Epoka e AI: E ardhmja e punës dhe programimi

Në këtë prezantim të Prishtina Talks, Rexhep Kqiku — founder, head of engineering, CTO dhe një prej pionierëve të programimit në Kosovë — shtjellon si po e ndryshon Inteligjenca Artificiale të ardhmen e punës dhe programimit. Duke u nisur nga eksperienca e vet — ekipet e para të programimit pas luftës, puna në Volvo në Suedi, dhe roli aktual si CTO për kompaninë amerikane 91 që zhvillon pajisje të implantueshme për zemër — Kqiku vjen te një tezë e ashpër por e argumentuar: programimi si zanat i mësimit të gjuhëve dhe shkrimit të kodit është duke u zhdukur, dhe sfida e mbijetesës nuk është të dish të shkruash kod, po të kesh mindsetin e inxhinierit që di të ndërtojë sisteme.

Pjesa e dytë është një ekspozitë praktike e AI-së në fusha jashtë programimit: piktura fituese e Boris Eldagsen te Sony World Photography Awards, no-code platformat si Webflow, Futexam që përgatit agjentë futbolli për certifikimin e FIFA-s, platformat për dentistë që lexojnë x-ray automatikisht, gjenerimi i artikujve gazetareskë nga zëri i folur, dhe një rast real nga Kosova me filtrin automatik të Adonis për postime të veturave. Prezantimi mbyllet me një demonstrim live të VR-së për trajnimin e sigurisë në ndërtime të larta.

Disa pika që trajtohen:

📌 Rrugëtimi profesional: nga pas lufta te CTO për kompaninë amerikane 91 📌 Analogjia historike: si programerët kanë automatizuar gjithmonë punët e të tjerëve 📌 AI Agents dhe fjala e Eric Schmidt për ushtritë e agentëve 📌 Ndërtimi vs monetizimi: pse dështojnë produktet e njerëzve teknikë 📌 Mbijetesa e programerit: mindset inxhinierik, jo vetëm kodim 📌 Shembuj praktikë: arti, sporti, dentistët, gazetaria, ndërtimtaria

📍 Prishtina Talks

Mendimet dhe qëndrimet e shprehura nga mysafirët tanë janë të vetë folësve dhe nuk përfaqësojnë domosdoshmërisht qëndrimet e Prishtina Talks.