Themelimi i një civilizimi ndërkombëtar | Historia e Civilizimit Islam 3

📚 Pjesa 3 nga 6, e serisë mbi historinë dhe qytetërimin islam.

Në sesionin e tretë të ciklit "Një lexim në historinë e botës islame", Gerdi Demneri vazhdon leximin e veprës së historianit amerikan Marshall Hodgson ("The Venture of Islam"), duke u fokusuar te periudha e mesme e hershme — nga rënia e kalifatit të formës së lartë në vitin 945 deri te pushtimi mongol i Bagdadit në 1258.

Është periudha ku bota islame kalon nga një kalifat i unifikuar në një civilizim ndërkombëtar me qendra të shumta pushteti: "shekulli i shiitëve" me Fatimidët në Egjipt e Bujidët në Bagdad, ngritja e Selxhukëve dhe reforma sunite e Nizam al-Mulkut përmes medreseve nizamije, sinteza e madhe e Imam Gazaliut mes filozofisë, sheriatit dhe sufizmit, institucionalizimi i sufizmit përmes tarikateve, dhe përballja me kryqëzatat deri te dalja e Salahudin Ejubit.

Disa pika që trajtohen: 📌 Pse Hodgson i ndan periudhat sipas civilizimit, jo dinastive 📌 "Shekulli i shiitëve": Fatimidët, Bujidët dhe rënia e kalifatit 📌 Selxhukët dhe rivendosja e pushtetit sunit 📌 Nizam al-Mulku, medresetë nizamije dhe "Siyasatnama" 📌 Imam Gazaliu: sinteza mes filozofisë, sheriatit dhe sufizmit 📌 Institucionalizimi i sufizmit përmes tarikateve 📌 Kryqëzatat, humbja e Jerusalemit dhe Salahudin Ejubi

📍 Prishtina Talks